BMU aliminin tərcümə etdiyi kitabın onlayn təqdimat mərasimi keçiriləcək

23 Sentyabr 2020
BMU aliminin tərcümə etdiyi kitabın onlayn təqdimat mərasimi keçiriləcək

Bakı Mühəndislik Universitetinin (BMU) Kimya mühəndisliyi kafedrasının müdiri, dosent Yusif Abdullayevin rəhbərliyi ilə tərcümə olunan “Kimyəvi reaksiya mühəndisliyinin elementləri (Elements of Chemical Reaction Engineering) kitabının onlayn təqdimat mərasimi keçiriləcək.

Kitab BP və onun Azəri-Çıraq-Günəşli, Bakı-Tbilisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşlarının maliyyə dəstəyi və Y.Abdullayevin rəhbərliyi altında tərcümə edilib, Amerikanın məşhur Pearson mətbəəsində Skot Foqler (Scott Fogler) müəllifliyində çapdan çıxıb. Nəşr kimya mühəndisləri üçün vacib dərslik kimi Amerika və Avropanın bir çox universitetlərində tədris edilir.

Azərbaycanda kimya mühəndisliyi sahəsində belə bir kitabın tərcüməsi ilk dəfədir ki, həyata keçirilir.

Kitabın təqdimat mərasimi 24 sentyabr 2020-ci il tarixində saat 15:00-da Zoom platforması üzərindən təşkil ediləcək.

Qeyd edək ki, “BP Azerbaijan” şirkəti ilə BMU-nun bir sıra uğurlu layihələri mövcuddur və gələcəkdə də bu istiqamətdə əməkdaşlıqların davam etdirilməsi nəzərdə tutulur.

İctimaiyyətlə əlaqələr şöbəsi

Digər xəbərlər